Вельмі прыгожа, весела, задорна сустракалі Масленіцу 10 сакавіка працоўны калектыў і навучэнцы філіяла БДТУ “Полацкі дзяржаўны лясны каледж”. Свята пачалося з адкрыцця масленічнага кірмашу. Кожная вучэбная група прэзентавала свае прысмакі, прыгожа, з нацыянальным каларытам аформіла месца гандлю. Якіх толькі масленічных страў тут не было! Цікавую гульнева — абрадавую праграму прадставілі ўдзельнікі гуртка “Крыніца творчасці” пад кіраўніцтвам Лісіцы Н.М. Гульні, жарты, танцы, песні гучалі напрацягу ўсей праграмы. Прысутныя з ахвотай удзельнічалі ў цікавых конкурсах, вадзілі карагод, спявалі прыпеўкі, танчылі і нават круцілі абруч. Вядучыя пазнаемілі усіх з асаблівасцямі святкавання Масленіцы, бо кожны дзень масленічнага тыдню меў сваю назву і адметнасць ў адзначэнні. Кульмінацыйным момантам стала спальванне чучала Масленіцы і карагод вакол яго.
Усім прыйшліся даспадобы масленічныя гулянні. Імкненні арганізатараў свята да абуджэння нацыянальнай свядомасці навучэнцаў і адраджэння нацыянальных традыцый святкавання Масленіцы былі ўвасоблены ў жыцце ў поўнай меры.